Քիր Սթարմերի՝ Մեծ Բրիտանիայի վարչապետի պաշտոնից հրաժարական տալուց հետո երկրի նոր վարչապետ է նշանակվել Էնդի Բըրնհեմը։ Այս մասին հայտնել է «BBC»-ին։
Բըրնհեմը վերջին չորս տարիների ընթացքում Մեծ Բրիտանիայի հինգերորդ վարչապետն է։ 2022 թվականի ամռանը Բորիս Ջոնսոնի հրաժարականից հետո վարչապետի պաշտոնը հաջորդաբար զբաղեցրել են Լիզ Թրասը, Ռիշի Սունակը և Քիր Սթարմերը, իսկ այժմ իշխանությունը ստանձնում է Էնդի Բըրնհեմը։
Սթարմերը ներկայացել է Չարլզ III թագավորին, որը պաշտոնապես ընդունել է նրա հրաժարականը։ Դրանից հետո միապետն ընդունել է Լեյբորիստական կուսակցության նոր առաջնորդ Էնդի Բըրնհեմին և նրան նշանակել Միացյալ Թագավորության 59-րդ վարչապետ՝ հանձնարարելով ձևավորել նոր կառավարություն։
Նոր վարչապետի առաջին օրակարգում, ըստ սպասումների, կլինեն թանկացումների, էներգակիրների գների և տնտեսական իրավիճակի հետ կապված հարցերը, ինչպես նաև վարչապետի գրասենյակի աշխատանքի վերակազմավորումը։ Նրա կառավարման արդյունավետությունը մեծապես կախված կլինի այն բանից, թե կհաջողվի՞ արդյոք կոտրել վերջին տարիներին ձևավորված կարճատև և ոչ կայուն կառավարությունների միտումը։
Սթարմերը վարչապետի պաշտոնից հեռանալու մտադրության մասին հայտարարել էր դեռ հունիսի 22-ին՝ պատճառաբանելով այն մայիսին կայացած տեղական և տարածաշրջանային ընտրություններում Լեյբորիստական կուսակցության կրած պարտությամբ։
Հետևեք մեզ տելեգրամում
