Օմանն Իրանին առաջարկել է Հորմուզի նեղուցի կառավարման տարածաշրջանային մեխանիզմ, հայտնում է Reuters-ը։ Օմանի առաջարկի համաձայն՝ Հորմուզի նեղուցը պետք է կառավարվի տարածաշրջանային համատեղ մեխանիզմով, իսկ նավերի անցման համար նախատեսվում է կամավոր վճարների համակարգ։ Ըստ աղբյուրի՝ առաջարկը ստացել է տարածաշրջանի երկրների աջակցությունը, իսկ Իրանը չի ունենա նեղուցի նկատմամբ միանձնյա վերահսկողություն։ Մեխանիզմը հիմնված է Մալակկայի նեղուցի օրինակի վրա, որտեղ նավագնացության մասնակիցները կամավոր վճարումներ են կատարում նավարկության անվտանգության, շրջակա միջավայրի պաշտպանության և որոնողափրկարարական աշխատանքների ֆինանսավորման համար։
Հիշեցնենք, որ Օմանի և Սաուդյան Արաբիայի արտգործնախարարների հետ քննարկումների ընթացքում Իրանի արտգործնախարար Աբաս Արաղչին ընդգծել էր տարածաշրջանային կայունության հաստատման և Հորմուզի նեղուցում անվտանգության ապահովման ուղղությամբ համատեղ դիվանագիտական ջանքերի անհրաժեշտությունը։
Հետևեք մեզ տելեգրամում
