«Henley & Partners» ընկերության անձնագրերի ինդեքսի «Global Ranking 2026» թարմացված զեկույցի համաձայն՝ Հայաստանը 104 երկրի շարքում զբաղեցրել է 73-րդ հորիզոնականը՝ նախորդ՝ հունվարյան զեկույցի 71-րդ տեղի համեմատ։
Ըստ ցուցանիշների՝ Հայաստանի Հանրապետության քաղաքացիներն առանց վիզայի (կամ մուտքի արտոնագիրը տեղում ստանալու իրավունքով) կարող են մեկնել աշխարհի 64 երկիր: Նախորդ զեկույցում այդ թիվը 66 էր։
Տարածաշրջանի երկրների շարքում անձնագրի հզորությամբ առաջատարը Վրաստանն է, որը զբաղեցնում է 44-րդ հորիզոնականը։ Թուրքիան 48-րդ տեղում է, Ադրբեջանը՝ 70-րդ, իսկ Իրանը զբաղեցնում է 96-րդ հորիզոնականը։
Եվրասիական տնտեսական միության (ԵԱՏՄ) անդամ պետությունների շարքում լավագույն ցուցանիշն ունի Ռուսաստանը, որը կիսում է 47-րդ հորիզոնականը։ Բելառուսը գտնվում է 62-րդ, Ղազախստանը՝ 63-րդ, իսկ Ղրղզստանը՝ 77-րդ տեղում։
Հետևեք մեզ տելեգրամում
