ԱՄՆ պետքարտուղար Մարկո Ռուբիոն Ղազախստանի արտաքին գործերի նախարար Երմեկ Կոշերբաևի հետ քննարկել է Կասպյան խողովակաշարային կոնսորցիումի ենթակառուցվածքներով նավթի մատակարարումների հարցը: Այս մասին հայտնում է ԱՄՆ Պետդեպարտամենտի մամուլի ծառայությունը, փոխանցում է ТАСС-ը։
Հաղորդագրության համաձայն՝ երկու երկրների արտաքին գերատեսչությունների ղեկավարները քննարկել են էներգետիկ անվտանգության, այդ թվում՝ Կասպյան խողովակաշարային կոնսորցիումի միջոցով ղազախական նավթի հուսալի և անխափան արտահանման հարցը:
Ավելի վաղ ԱՄՆ Կոնգրեսի Ներկայացուցիչների պալատի անդամ Բիլ Հեյզենգան հայտարարել էր, որ կոնսորցիումի ենթակառուցվածքներին Ուկրաինայի զինված ուժերի հարվածները սպառնալիք են ներկայացնում քաղաքացիական բնակչության, ինչպես նաև ԱՄՆ շահերի համար:
Հուլիսի 23-ին Ղազախստանի էներգետիկայի նախարարությունը հայտնել էր, որ հանրապետության նավթարդյունահանող ընկերությունները կոնսորցիումի ծովային տերմինալում նավթի բեռնման ժամանակավոր դադարեցման պատճառով ստիպված են եղել կրճատել արդյունահանման ծավալները: Սա տեղի էր ունեցել տերմինալի շրջանում ղազախական նավթի փոխադրման համար վարձակալված տանկերների վրա անօդաչու թռչող սարքերի մի շարք հարձակումներից հետո:
Հետևեք մեզ տելեգրամում
