Իսլամական հեղափոխության պահապանների կորպուսի հասարակայնության հետ կապերի ծառայությունը հայտարարություն է տարածել՝ նշելով, որ ԻՀՊԿ ռազմածովային ուժերը Հորմուզի նեղուցում հարվածել և կանգնեցրել են երկու նավթատար, իսկ ևս չորս նավթատար արագ փոխել են ընթացքն ու հետ դարձել։
Ըստ ԻՀՊԿ հաղորդագրության՝ հարվածի ենթարկված նավթատարները, ԱՄՆ զինված ուժերի Կենտրոնական հրամանատարության օդային ուղեկցությամբ և ԻՀՊԿ ազդանշաններին չհետևելով, փորձել են անցնել «չհայտարարված, ոչ օրինական և անվտանգության տեսանկյունից ռիսկային» երթուղով:
Իրանական կողմը հավելել է, որ նախորդ գիշեր նախազգուշացում է հղել նավատերերին և ապահովագրական ընկերություններին՝ կոչ անելով չվստահել CENTCOM-ի հայտարարություններին: ԻՀՊԿ-ն նաև ընդգծել է, որ տարածաշրջանում ԱՄՆ զինված ուժերի «ապօրինի միջամտություններն ու հրահանգներն անպատասխան չեն մնալու»:
Հետևեք մեզ տելեգրամում
