Իրանի Իսլամական Հանրապետության ազգային անվտանգության գերագույն խորհրդի նոր քարտուղար է նշանակվել ԻՀՊԿ նախկին զինվորական Մոհսեն Ռեզային: Փոխանցում է իրանական Tasnim լրատվական գործակալությունը:
«Հաշվի առնելով կառույցի քարտուղար Մոհամմադ Բաղեր Զոլղադրի հրաժարականը և նոր պաշտոնի ստանձնումը՝ նախագահ Մասուդ Փեզեշքիանի հրամանագրով ազգային անվտանգության գերագույն խորհրդի նոր քարտուղար է նշանակվել Մոհսեն Ռեզային»,- հայտնել է ԻԻՀ կառավարության տեղեկատվության խորհրդի ղեկավարը։
Գերագույն առաջնորդ Մոջթաբա Խամենեիի որոշմամբ՝ Մոհսեն Ռեզային նշանակվել է նաև Ազգային անվտանգության գերագույն խորհրդում առաջնորդի ներկայացուցիչ։
Միևնույն ժամանակ, գերագույն առաջնորդի մեկ այլ հրամանագրով նախկին քարտուղար Մոհամմադ Բաղեր Զոլղադրը նշանակվել է առաջնորդի՝ քաղաքական հարցերով խորհրդական։
Հատկանշական է, որ մինչ այս նշանակումը Մոհսեն Ռեզային զբաղեցնում էր ԻԻՀ գերագույն առաջնորդի՝ ռազմական հարցերով խորհրդականի պաշտոնը։
Հետևեք մեզ տելեգրամում
