Թաթարստանի Նիժնեկամսկ քաղաքի վրա անօդաչու թռչող սարքերի գիշերային հարձակման հետևանքով զոհվել է 12 մարդ, 39-ը ստացել են տարբեր աստիճանի վնասվածքներ։ Հանրապետության ղեկավար Ռուստամ Միննիխանովի մամուլի ծառայությունից հայտնել են, որ տարածաշրջանում սուգ է հայտարարվել։ Փոխանցում է RTVI-ին:
ՌԴ պաշտպանության նախարարության տվյալներով՝ մեկ գիշերվա ընթացքում ՀՕՊ համակարգերը որսացել են ընդհանուր առմամբ 456 դրոն Ռուսաստանի ավելի քան 15 տարածաշրջանում, այդ թվում՝ Բրյանսկի, Կուրսկի, Կալուգայի, Տուլայի, Բելգորոդի, Ռոստովի, Սամարայի, Մոսկվայի մարզերում, Կրասնոդարի երկրամասում, Թաթարստանում և Ղրիմում։
Օգոստոսի 10-ի առավոտյան ԱԹՍ-ների վտանգի ռեժիմ է հայտարարվել Թաթարստանի մի շարք խոշոր քաղաքներում, այդ թվում՝ Կազանում, Նիժնեկամսկում, Ելաբուգայում և Նաբերեժնիե Չելնիում։ Հանրապետության օդանավակայանները ժամանակավորապես դադարեցրել են թռիչքները։ ԱԹՍ հարձակման վտանգի ռեժիմը չեղարկվել է ժամեր անց։
Հետևեք մեզ տելեգրամում
