Պակիստանի պաշտպանության նախարար Խավաջա Ասիֆը հայտարարել է, որ ԱՄՆ-ն ու Իրանը մոտ են «ինչ-որ համաձայնության» հասնելուն։ Այս մասին գրում է «Arab News»-ը։
Նրա խոսքով՝ վերջին օրերին ստացված ազդակները ցույց են տալիս, որ կողմերը կրկին մոտենում են խաղաղ կարգավորման կամ համաձայնության։ Միաժամանակ Քաթարի արտաքին գործերի նախարարության ներկայացուցիչը հայտնել է, որ Օմանի և Իրանի միջև Հորմուզի նեղուցի կառավարման շուրջ բանակցությունները գտնվում են առաջադեմ փուլում։
Իրանը հայտարարել է, որ Օմանի հետ մոտենում է Հորմուզի նեղուցում նավերի համար նոր երթուղիների վերաբերյալ վերջնական համաձայնությանը։ Սակայն Թեհրանը նշել է, որ նեղուցի բացումը կախված է ԱՄՆ-ի կողմից իր պայմանների ընդունումից։
Հետևեք մեզ տելեգրամում
