Ռուսաստանի Սև ծովի ափին գտնվող Նովոռոսիյսկ քաղաքում գիշերը տեղի ունեցած անօդաչու թռչող սարքերի հարձակման հետևանքով երեխա է զոհվել, վնասվել է չորս ձեռնարկություն և ավելի քան երկու տասնյակ բնակելի շենք։ Այս մասին հայտնել է քաղաքի քաղաքապետ Անդրեյ Կրավչենկոն, գրում է «Reuters»-ը։
Կրասնոդարի նահանգապետ Վենիամին Կոնդրատևի խոսքով տարածաշրջանի այլ հատվածներում ևս մեկ մարդ զոհվել է, կան վիրավորներ։
Միաժամանակ Ուկրաինայի Զապորոժիե քաղաքում ռուսական հարձակման հետևանքով հրդեհ է բռնկվել առևտրի կենտրոնում։ Հարձակման հետևանքով շուրջ 1,200 սպառող զրկվել է էլեկտրականությունից։
«Reuters»-ը նշում է, որ վերջին շրջանում Ռուսաստանը, ի պատասխան երկրի էներգետիկ, նավահանգստային և լոգիստիկ ենթակառուցվածքների վրա Ուկրաինայի հարձակումների, ընդլայնել է Ուկրաինայի պարենային, գյուղատնտեսական օբյեկտների, պահեստների ուղղությամբ հարվածները։
Հետևեք մեզ տելեգրամում
