Հայաստանի տարածքում «TRIPP» նախագծի շրջանակում նախատեսվող երկաթուղու շինարարությունը պետք է մեկնարկի այս տարի: Այս մասին Ադրբեջանի նախագահ Իլհամ Ալիևը հայտարարել է երկրի պետական հեռուստաալիքին տված հարցազրույցում։
«Նախագահ Թրամփի հետ վերջին զրույցի ընթացքում պարզ դարձավ, որ Հայաստանի տարածքում երկաթգծի շինարարությունը պետք է մեկնարկի այս տարի․ այնտեղ ընդամենը 42 կիլոմետր ճանապարհ է»,- ասել է Ալիևը։ Նրա խոսքով՝ Նախիջևանի հատվածում երկաթուղու երկարությունը, նոր տեխնիկատնտեսական հիմնավորման համաձայն, կկազմի 194 կմ՝ նախկինում նախատեսված 188 կմ-ի փոխարեն։
Ալիևը նաև հայտնել է, որ «ադրբեջանցի մասնագետները Հայաստանի տարածքում ուսումնասիրություններ են իրականացրել և որոշել այն վայրերը, որտեղ կարող են տեղադրվել էլեկտրահաղորդման գծերի հենասյուները»։
Նշենք, որ հուլիսի 9-ին Հայաստանի վարչապետ Նիկոլ Փաշինյանը հայտնել էր, որ Հայաստանը ցանկանում է հնարավորինս արագ կյանքի կոչել «TRIPP» նախագիծը և ակնկալում է, որ այս տարվա աշնանը դրա ուղղությամբ կլինեն գործնական քայլեր։
Հետևեք մեզ տելեգրամում
