ԵՄ-ն մտադիր է մեկ երրորդով ընդլայնել Ռուսաստանի դեմ պատժամիջոցների ցանկը.Կալաս

Եվրամիությունը առաջիկա ամիսներին մտադիր է զգալիորեն ընդլայնել Ռուսաստանի դեմ գործող պատժամիջոցները։ Այս մասին «Die Welt»-ին տված հարցազրույցում հայտարարել է ԵՄ արտաքին քաղաքականության և անվտանգության հարցերով բարձր ներկայացուցիչ Կայա Կալասը։

Նրա խոսքով՝ այս աշնանը կներկայացնի Ռուսաստանի դեմ ամենաընդգրկուն պատժամիջոցների նոր փաթեթը։ Դրա ընդունման դեպքում պատժամիջոցների տակ գտնվող ռուսաստանցի ֆիզիկական և իրավաբանական անձանց թիվը կավելանա մոտ մեկ երրորդով։

Եվրոպական հանձնաժողովի տվյալներով՝ ներկայում ԵՄ պատժամիջոցների ցանկում Ռուսաստանի հետ կապված գրեթե 3000 ֆիզիկական և իրավաբանական անձ կա։ Կալասը նշել է, որ ԵՄ-ն պետք է շարունակի ուժեղացնել ճնշումը Ռուսաստանի նկատմամբ՝ մինչև պատերազմը դադարեցվի։ Նա նաև հույս է հայտնել, որ ԱՄՆ-ի և Եվրոպայի դիրքորոշումները Ռուսաստանի դեմ պատժամիջոցների հարցում կրկին կմերձենան։

Կալասը նաև անդրադարձել է Եվրոպայի դեմ «Ռուսաստանի կողմից իրականացվող հիբրիդային սպառնալիքներին»՝ մատնանշելով դիվերսիաների, լրտեսության և կիբերհարձակումների դեպքերը։ Նրա խոսքով՝ Եվրոպան պետք է ավելի կոշտ արձագանքի նման միջադեպերին։