Վրաստանի Չաքվի բնակավայրում գնացքը վրաերթի է ենթարկել Բելառուսի քաղաքացու, որը մահացել է։ Այս մասին հայտնել են Բելառուսի արտաքին գործերի նախարարությունից։
Դեպքի առնչությամբ Վրաստանի ՆԳՆ-ն հետաքննություն է սկսել։ Սա ամսվա սկզբից Վրաստանի երկաթուղային գծերում գրանցված արդեն երրորդ մահվան դեպքն է։ Բոլոր դեպքերը տեղի են ունեցել Բաթումիի մերձակայքում։
Ավելի վաղ Բաթումիի բուսաբանական այգու մոտ գնացքի վրաերթի հետևանքով մահացել էր 16-ամյա աշակերտուհի։ Ամսվա սկզբին էլ Չաքվի շրջանում գնացքը վրաերթի էր ենթարկել ռելսերի վրա քնած երիտասարդի։
Հետևեք մեզ տելեգրամում
