Պակիստանի արտաքին գործերի նախարարությունը հայտարարել է, որ ընթացիկ ամսվա վերջին Ստամբուլում նախատեսվում է Սաուդյան Արաբիայի, Եգիպտոսի, Թուրքիայի և Պակիստանի արտգործնախարարների քառակողմ հանդիպումը: Հանդիպման հայտարարված նպատակը տարածաշրջանային անվտանգության վերջին զարգացումների քննարկումն է:
Պաշտոնական հայտարարության համաձայն՝ այս նախաձեռնությունը չորս մայրաքաղաքների միջև ընթացող սերտ համագործակցության և մշտական խորհրդատվությունների շարունակությունն է: Հանդիպման վայրի և ժամկետների շուրջ համաձայնությունը ձեռք է բերվել Պակիստանի փոխվարչապետ ու արտգործնախարար Մուհամմադ Իսհակ Դարի և Թուրքիայի արտգործնախարար Հական Ֆիդանի միջև տեղի ունեցած հեռախոսազրույցի արդյունքում:
Թեև հանդիպման հստակ օրը դեռևս չի նշվում, հաստատվել է, որ այն տեղի կունենա մինչև ամսվա վերջ:
Հետևեք մեզ տելեգրամում
