2026 թվականի հուլիսին Վրաստանից արտերկիր իրականացված դրամական փոխանցումների ծավալը կազմել է 39 մլն դոլար՝ նախորդ տարվա նույն ժամանակահատվածի համեմատ աճելով 4,7%-ով։ Այս մասին վկայում են Վրաստանի Ազգային բանկի տվյալները։
Վրաստանից ամենաշատ դրամական փոխանցումներն իրականացվել են Ադրբեջան՝ շուրջ 6,985 մլն դոլար։ Փոխանցումների ծավալով առաջին տասնյակում են նաև Թուրքիան, Ռուսաստանը, Ուկրաինան և Ուզբեկստանը։
Վրաստանում ադրբեջանցիների ազգային կոնգրեսի ղեկավար Ալի Բաբաևի խոսքով՝ Վրաստանի և Ադրբեջանի միջև դրամական փոխանցումների համար լրացուցիչ սահմանափակումներ չեն սահմանվել։ Մինչև 10 հազար դոլարի փոխանցումները կարող են իրականացվել ազատորեն, իսկ ավելի խոշոր գումարների դեպքում բանկերը կարող են պահանջել միջոցների ծագման և փոխանցման նպատակի վերաբերյալ փաստաթղթեր։
Բաբաևը նշել է նաև, որ Վրաստանում զգալի թվով ադրբեջանցիներ են բնակվում և աշխատում տարբեր ոլորտներում, այդ թվում՝ շինարարության, տրանսպորտի և անասնապահության։ Նրա խոսքով՝ ադրբեջանցի ձեռնարկատերերը մասնակցում են նաև ճանապարհների, մանկապարտեզների և այլ օբյեկտների կառուցման մրցույթներին։
Հետևեք մեզ տելեգրամում
