Եվրահանձնաժողովը հավանություն է տվել Ուկրաինային տրամադրվելիք 6,1 մլրդ եվրոյի պաշտպանական նշանակության նոր գնումներին՝ ԵՄ-ի 90 մլրդ եվրոյի վարկային աջակցության շրջանակում։
Միջոցները կուղղվեն հակաօդային և հակահրթիռային պաշտպանության համակարգերի, հրթիռների, զինամթերքի և ռադիոլոկացիոն կայանների ձեռքբերմանը։ Գնումների մեծ մասը նախատեսվում է իրականացնել ԵՄ պաշտպանական արդյունաբերության ընկերություններից։
«Այսօր մենք հաստատել ենք 6,1 մլրդ եվրո հակաօդային և հակահրթիռային պաշտպանության համակարգերի, հրթիռների, զինամթերքի և ռադիոլոկացիոն կայանների համար, որոնք հրատապ անհրաժեշտ են Ուկրաինային»,- հայտարարել է Եվրահանձնաժողովի նախագահ Ուրսուլա ֆոն դեր Լայենը։
Նոր գնումները լրացնում են արդեն հաստատված 16 մլրդ եվրոյի ծրագրերը, որոնցից 8,35 մլրդ եվրոն արդեն հատկացվել է Ուկրաինային 90 մլրդ եվրոյի աջակցության փաթեթի պաշտպանական բաղադրիչի շրջանակում։
Հետևեք մեզ տելեգրամում
