Հարավային Լիբանանի Կֆար Ռումման քաղաքում իսրայելական հարվածների հետևանքով առնվազն 11 մարդ է զոհվել, այդ թվում՝ երկու երեխա և երկու բուժաշխատող։ Այս մասին հայտնում է «Reuters»-ը։
Գործակալության տվյալներով՝ երկուշաբթի կեսգիշերից անմիջապես հետո իսրայելական ռազմական ինքնաթիռները հարվածել են բնակելի շենքի, ինչի հետևանքով զոհվել է ինը մարդ, ևս հինգը՝ վիրավորվել, իսկ անօդաչու թռչող սարքի հարվածի հետևանքով զոհվել է քաղաքացիական մեքենայում գտնվող երկու բուժաշխատող։
«Reuters»-ը նշում է, որ վերջին օրերին Իսրայելը ակտիվացրել է հարավային Լիբանանի ռմբակոծությունները՝ չնայած հունիսին հաստատված հրադադարին, որը պետք է դադարեցներ իսրայելական բանակի և «Հեզբոլլահ»-ի միջև ռազմական գործողությունները։
Ըստ պարբերականի մարտի 2-ից ի վեր Լիբանանում իսրայելական հարվածների հետևանքով զոհվել է ավելի քան 4300 մարդ։
Հետևեք մեզ տելեգրամում
