ԱՄՆ նախագահ Դոնալդ Թրամփը սեպտեմբերի 22-ին՝ Նյու Յորքում ՄԱԿ-ի Գլխավոր ասամբլեայի շրջանակում, նախատեսում է հանդիպել Պարսից ծոցի երկրների առաջնորդների հետ՝ Իրանի դեմ պատերազմի հետագա քայլերը քննարկելու նպատակով։ Այս մասին հայտնում է Axios-ը:
Axios-ի տվյալներով՝ Թրամփի վարչակազմը մշակում է ավելի լայն՝ «հաջորդ օրվա» ռազմավարություն, որի վերջնական տարբերակը նախատեսվում է պատրաստել նոյեմբերին կայանալիք ԱՄՆ-ի միջանկյալ ընտրություններից հետո։
Հանդիպմանը, ըստ հաղորդագրության, ակնկալվում է Պարսից ծոցի համագործակցության խորհրդի անդամ երկրների՝ Սաուդյան Արաբիայի, Արաբական Միացյալ Էմիրությունների, Կատարի, Բահրեյնի, Քուվեյթի և Օմանի առաջնորդների կամ արտաքին գործերի նախարարների մասնակցությունը։
Axios-ը չի բացառել, որ հանդիպմանը կարող են միանալ նաև արաբական և մահմեդական այլ երկրների առաջնորդներ։
Միաժամանակ, Իսրայելի վարչապետ Բենիամին Նեթանյահուն նույնպես ցանկանում է Նյու Յորքում հանդիպել Թրամփի հետ, սակայն, ըստ Axios-ի, այդ հանդիպումը դեռևս պաշտոնապես չի նախատեսվել։
Հետևեք մեզ տելեգրամում
