Վրաստանի խորհրդարանի նախագահ Շալվա Պապուաշվիլին «Rustavi 2»-ի եթերում հայտարարել է, որ Վրաստանի համար Եվրամիությունն առանց Աբխազիայի և Ցխինվալիի որևէ արժեք չի ներկայացնում, և երկիրը չի դիտարկում ԵՄ անդամակցությունն այդ տարածքների կորստի հաշվին։
Պապուաշվիլին ընդգծել է, որ թե՛ երկրի ներսում, թե՛ դրսում պետք է հրաժարվեն այն պատրանքից, թե Վրաստանը կարող է Եվրամիությանն անդամակցել տարածքային զիջումների գնով։
Նա նշել է, որ արտաքին ուժերն ընդդիմադիր գործիչների, մասնավորապես՝ Նիկա Գվարամիայի, Գիորգի Բարամիձեի և Միխեիլ Սաակաշվիլիի միջոցով փորձում են «վրաց հասարակությանը վարժեցնել տարածքներից հրաժարվելու մտքին՝ իբր հանուն արագ եվրոինտեգրման»։
Հետևեք մեզ տելեգրամում
