Թուրքիայի արտգործնախարար Հաքան Ֆիդանը հայտարարել է, որ ձմռանն ընդառաջ Ռուսաստանի և Ուկրաինայի հարձակումների ինտենսիվացումը լրջորեն վտանգում է Սև ծովում նավարկության անվտանգությունը։ Նա տարածաշրջանի երկրներին և միջազգային հանրությանը կոչ է արել թույլ չտալ, որ Սև ծովը վերածվի հակամարտության նոր ճակատի։ Այս մասին, «RegionMonitor»-ի փոխանցմամբ, հայտնում է «Reuters»-ը։
Ֆիդանն այս մասին հայտարարել է Անկարայում Հունգարիայի արտգործնախարար Անիտա Օրբանի հետ համատեղ ասուլիսում՝ նշելով, որ իրավիճակը վատթարանում է՝ չնայած Թուրքիայի առաջարկած լուծումներին։
«Այս պահին երկու կողմերն էլ լայնածավալ հարձակումներ են իրականացնում՝ ձմռանն ընդառաջ միմյանց նկատմամբ որոշակի ռազմական առավելություն ապահովելու համար, և դա լրջորեն ազդում է Սև ծովում նավարկության անվտանգության վրա»,- ասել է նա։
Ֆիդանի խոսքով՝ պատերազմի ընդլայնման հետևանքներն ավելի ակնհայտ են դառնում նաև Սև ծովում։
Հետևեք մեզ տելեգրամում
