Իրանի նախագահը Հայաստան կայցելի

Իրանի Իսլամական Հանրապետության նախագահ Մասուդ Փեզեշքիանը հոկտեմբերի 16-ին կարճատև այցով կժամանի Երևան՝ մասնակցելու Կենսաբանական բազմազանության մասին կոնվենցիայի կողմերի 17-րդ գագաթնաժողովին (COP17)։ Այս մասին, Region Monitor-ի փոխանցմամբ, լրագրողների հետ զրույցում հայտնել է Իրանի ԱԳՆ մամուլի խոսնակ Էսմայիլ Բաղային։

Իրանցի դիվանագետի խոսքով՝ Փեզեշքիանը միջոցառման շրջանակում հանդիպումներ և մտքերի փոխանակում կունենա նաև գագաթնաժողովին մասնակցող այլ երկրների առաջնորդների հետ։

ԱԳՆ ներկայացուցիչը շեշտել է, որ Թեհրանը մտադիր է օգտագործել յուրաքանչյուր միջազգային հարթակ՝ «շրջակա միջավայրի դեմ իրականացված հանցագործությունները փաստագրելու և դրանք միջազգային հանրությանը ներկայացնելու համար»։