Հոկտեմբերի 21-ին Դոհայում Թուրքիան, Կատարը, Պակիստանն ու Ինդոնեզիան ռազմական համագործակցության խորացման և պաշտպանունակության ամրապնդման մասին համաձայնագիր են ստորագրել։ Region Monitor-ի հաղորդմամբ՝ այս մասին հայտնել է Թուրքիայի պաշտպանության նախարարությունը։
Նախարարության հաղորդագրության համաձայն՝ երկրները ստորագրել են «Բադրի հուշագիրը», որը նախատեսում է համագործակցություն «ռազմարդյունաբերության, ռազմական կարողությունների զարգացման, ինչպես նաև տեխնիկական պատրաստության, հետազոտությունների ոլորտներում»։
Թուրքիայի պաշտպանության նախարարության գնահատմամբ՝ չորս երկրների ռազմական արտադրության ոլորտների հնարավորությունների համատեղ օգտագործումը «կնպաստի համագործակցության և ինտեգրման խորացմանը, պաշտպանական արդյունաբերության կարողությունների զարգացմանը, ինչպես նաև գործընկեր և բարեկամ երկրների կարիքների ապահովմանը»։
Հիշեցնենք, որ օգոստոսին Թուրքիան Պակիստանի և Սաուդյան Արաբիայի հետ ստորագրել էր փոխադարձ պաշտպանության համաձայնագիր, որի համաձայն՝ կողմերից մեկի վրա հարձակումը համարվում է հարձակում բոլոր կողմերի վրա։
Հետևեք մեզ տելեգրամում
