2026թ. հոկտեմբերի 19-ին՝ 17:50-ի սահմաններում, Հայաստանի Հանրապետության տարածքում (Տավուշի մարզ) հայտնաբերվել է Թովուզի շրջանի Չատախ գյուղի բնակիչ, 1968թ. ծնված Ադրբեջանի Հանրապետության քաղաքացի Քասիմով Յաշար Ալի Օղլուն: Այս մասին հայտնել է ՀՀ ազգային անվտանգության ծառայությունը։
«Իրականացված ստուգողական միջոցառումների արդյունքում պարզվել է, որ Ադրբեջանի քաղաքացին Հայաստանի Հանրապետության տարածքում հայտնվել է մոլորվելու արդյունքում: Ձեռնարկվում են համապատասխան գործողություններ Ադրբեջանի քաղաքացուն վերադարձնելու նպատակով»,- նշել է ԱԱԾ-ն:
Հետևեք մեզ տելեգրամում
