Սոցցանցերում օրեր առաջ Բաքվում կազմակերպված հակահայկական ցույցից տեսանյութ է տարածվել, որտեղ երևում է, թե ինչպես են մասնակիցները հակահայկական, ինչպես նաև հակառուսական ու հակաիրանական կոչեր վանկարկում։
Տեսանյութում հստակ լսվում է հետևյալ կոչը՝ «Ռուս, պարսիկ, հայ՝ սրանք թյուրքի թշնամիներն են»։
Հիշեցնենք, որ իշխանությունների արտոնած և խրախուսած բազմահազարանոց ցույցի մասնակիցները սկզբում պահանջում էին իշխանություններից պատերազմ հայտարարել Հայաստանի դեմ ու զենք տրամադրել իրենց՝ հայերի դեմ կռվելու համար։ Սակայն կեսգիշերից հետո ցույցը դուրս է եկել վերահսկողությունից՝ փոխակերպվելով հակաիշխանական ցույցի։ Լուսադեմին ցուցարարները նույնիսկ ներխուժել էին խորհրդարանի շենք, ինչին օպերատիվ կերպով հակազդել էին Բաքվի ոստիկանության հատուկ ջոկատայինները ու ցրել ցույցը։
Հետևեք մեզ տելեգրամում
