Հայաստանում ԻԻՀ դեսպանատան կայքի տեղեկացմամբ՝ հուլիսի 13-ին դեսպան Աբբաս Զոհուրիի, «Արաս» ԱՏԳ-ի տնօրեն Մոհսեն Նարիմանի և ԻԻՀ ԱԳՆ Կովկասի վարչության պետ Մոհսեն Ֆաղանիի միջև տեսակոնֆերանս է անցկացվել։
Պաշտոնյաները քննարկել են Հայաստան-Իրան համագործակցության ընդլայնման ուղղությամբ «Արաս» ԱՏԳ-ի հնարավորություններն օգտագործելու, առկա խոչընդոտները վերացնելու հարցեր։
Նշվել է, որ ԱՏԳ կայքում պետք է հայերենով և ռուսերենով տեղեկացնել ազատ գոտու գործունեության մասին ։
Տեսակոնֆերանսի ընթացքում Ֆաղանին ընդգծել է, որ պետք է կենտրոնանալ Հայաստան-Իրան համագործակցության վերաբերյալ փոխըմբռնման հուշագրի իրականացման վրա, ինչպես նաև հետամուտ լինել Մեղրիի ԱՏԳ գործարկմանը։
Հետևեք մեզ տելեգրամում
