Մինսկում ցուցարարները այս անգամ հավաքվել են «Անկախության» հրապարակում:
Ակցիայի մասնակիցները փակել են ողջ հրապարակը եւ պողոտան: Մարդիկ կանգնած են պաստառներով, որոնց վրա գրված են քաղբանտարկյալներին ազատելու կոչեր:
Մինսկում բողոքի ցույցերը տեղափոխվել են Անկախության հրապարակ, որն այժմ գրեթե ամբողջությամբ լցված է մարդկանցով:
Բողոքի ակցիայի մասնակիցների թվի մասին պաշտոնական տվյալներ դեռ չկան։ Համացանցում տարածվող տեսանյութերից պարզ է դառնում, որ «Հերոս քաղաք Մինսկ» հուշարձան-համալիրի մոտ գտնվող հրապարակը, որտեղ մայիսի 9-ին կայացել էր զինվորական շքերթը, ամբողջությամբ լցված է մարդկանցով։ Ամեն րոպե ավելանում է ցույցի մասնակիցների թիվը։
Ականատեսները փաստում են, որ Մինսկում երբեք նման քանակությամբ զանգվածային բողոքի ցույց տեղի չի ունեցել։ Բողոքի ցույցի մասնակիցները չեն ընդունում նախագահական ընտրությունների արդյունքները, որի արդյունքում, ըստ Բելառուսի կենտրոնական ընտրական հանձնաժողովի տվյալների, ձայների 80 %-ով հաղթել է գործող նախագահ Ալեքսանդր Լուկաշենկոն։ Ցուցարարները բողոքում են նաև ուժային կառույցների գործողությունների դեմ, որոնք վերջին օրերին տեղի ունեցած բողոքի ցույցերի ժամանակ բիրտ ուժ են կիրառել ցուցարարների նկատմամբ։
Զուգահեռաբար, բողոքի ցույցեր են ընթանում նաև Բելառուսի մյուս քաղաքներում։
Հետևեք մեզ տելեգրամում
