Թուրքիայի Անթալիա նահանգի հյուրանոցներից մեկում ընթրիքի ժամանակ սպանվել է ադրբեջանական մաֆիայի ղեկավարներից Նադիր Սալիֆովը, որը հայտնի է «Լոթու Գուլի» կեղծանվամբ:
Նշվում է, որ «Լոթու Գուլին» գլխի շրջանում հրազենային վիրավորում է ստացել: Նրան հոսպիտալացրել են, սակայն իր կյանքը չի հաջողվել փրկել:
Թուրքական լրատվամիջոցների հաղորդմամբ` քրեական հեղինակությունը սպանվել է իր հետ միասին ընթրող անձի կողմից: Վերջինս փախել է դեպքի վայրից, սակայն կարճ ժամանակում թուրք ոստիկանները նրան ձերբակալել են Անթալիա-Դենիզլի ճանապարհին:
Երկար տարիներ Ադրբեջանում բանտարկված Սալիֆովը ազատ արձակվելուց հետո 2018թ. մեկնել էր Թուրքիա, սակայն այնտեղից արտաքսվել էր: Ավելի ուշ ապօրինի ճանապարհներով կրկին մուտք էր գործել Թուրքիա:
Թուրքիայում Սալիֆովը հայտնի էր դարձել այն բանից հետո, երբ 2016-ին Ստամբուլում սպանվեց ադրբեջանցի մեկ այլ հանցավոր խմբի պարագլուխ Ռովշան Ջանիևը։ Լուրեր էին շրջանառվում, թե Ջանիևի սպանության պատվիրատուն հենց Սալիֆովն է եղել։
Սալիֆովն ակտիվ գործունեություն էր ծավալել նաև Ռուսաստանում։ Նա Մոսկվայում զբաղվում էր դրամաշորթությամբ: Նրա պատճառով տուժել են բազմաթիվ ռուս գործարարներ։
Հետևեք մեզ տելեգրամում
