Օգոստոսի 26-ին Մոսկվայում տեղի կունենա Ռուսաստանի և Ադրբեջանի արտգործնախարարներ Սերգեյ Լավրովի և Ջեյհուն Բայրամովի առաջին հանդիպումը։ Այս մասին ամենշաբաթյա ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան։ Նրա խոսքով՝ Բայրամովը Մոսկվա կժամանի ռուսական կողմի նախաձեռնությամբ։
«ՌԴ արտգործնախարար Սերգեյ Լավրովի հրավերով Ադրբեջանի ԱԳ նախարար Ջեյհուն Բայրամովն օգոստոսի 26-ին պաշտոնական այցով կժամանի Ռուսաստանի Դաշնություն: Բանակցություններ կկայանան երկու երկրների արտաքին քաղաքական գերատեսչությունների ղեկավարների միջև, որոնց ընթացքում նախատեսվում է հարցերի լայն շրջանակ քննարկել, այդ թվում՝ երկկողմ հարաբերություններին, տարածաշրջանային և միջազգային օրակարգին առնչվող հարցեր»,- ասել է Զախարովան:
Ադրբեջանի արտգործնախարարը հանդիպումներ կունենա նաև Ռուսաստանի կառավարության և Դաշնության խորհրդի անդամների հետ։
Ի դեպ, սա Բայրամովի երկրորդ արտասահմանյան այցն է արտգործնախարարի պաշտոնում։ Նշանակումից շաբաթներ անց՝ առաջին պաշտոնական այցով նա մեկնել էր Թուրքիա, որտեղ հանդիպել էր գործընկերոջ, ինչպես նաև նախագահ Ռեջեփ Էրդողանի հետ։
Հետևեք մեզ տելեգրամում
