Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան Սև ծովում գազի պաշարներ է հայտնաբերել։ Այս մասին տեղեկացնում է Ermeni Haber լրատվական գործակալությունը։
Էրդողանը նշել է, որ «Fatih» հորատող նավը 2020թ հուլիսի 20-ին Սև ծովում հորատումներ է կատարել, որի ընթացքում 320 միլիարդ խորանարդ մետր գազի պաշարներ են հայտնաբերվել։ Նրա խոսքով՝ էներգետիկ պաշարները հայտնաբերվել են միայն Թուրքիայի միջոցներով և ջանքերով։
Թուրքիայի նախագահը վստահեցրել է, որ հայտնաբերված գազը 2023թ-ին կմատակարարեն թուրք ժողովրդին։ Ըստ նրա՝ հայտնաբերված գազը Սև ծովի այդ հատվածում գտնվող պաշարների ընդամենը մի մասն է։
Հետևեք մեզ տելեգրամում
