Իսրայելական «Jpost» կայքի հոդվածում անդրադարձ է եղել Թուրքիայի նախագահ Ռեջեփ Թայիփ Էրդողանի քաղաքականությանը՝ համաձայն որի վերջինս ցանկանում է հողեր գրավել և վերականգնել Թուրքիայի հզորությունը՝ հասնելով ընդհուպ Սելջուկյան կայսրության ժամանակաշրջան:
Հոդվածի հեղինակ, քաղաքական մեկնաբան Մայքան Հալփերնը գրել է.
«Էրդողանը ընդլայնում է Թուրքիան: Նա հավակնում է տարածքների, ջրերի և նավթի իրավունքին, այդ թվում Արևելյան Միջերկրականում: Թուրքական բանակը ներխուժել է Իրաք և Սիրիա, իսկ Էրդողանի մտերիմ քաղաքական աջակից Մեթին Քուլունքի կողմից օգոստոսի 26-ին՝ Մանազկերտի ճակատամարտի օրը, Twitter-ում շրջանառվող քարտեզն ապացուցում է Թուրքիայի ընդլայնման նպատակները և տարածքային պահանջները: Էրդողանի քարտեզում Թուրքիան ունի շատ ավելի ընդարձակ տարածքներ: Քարտեզն ընդգրկում է Հունաստանի հյուսիսը մինչև Էգեյան ծովի կղզիներ, Բուլղարիայի կեսը, Կիպրոսը, Հայաստանի մեծ մասը, Վրաստանի, Իրաքի և Սիրիայի տարածքները…»
Հեղինակը նշել է, որ Էրդողանը դիրքավորվում է և դիրքավորում է իր երկիրը՝ լրացնելու այն, ինչը, իր կարծիքով, չափազանց կարևոր բաց է:
Հալփերնի համոզմամբ, Թուրքիայի նախագահը ցանկանում է տապալել Սուրբ Հռոմեական կայսրության այսօրվա համարժեքը և գրավել այդ դիրքը:
«Թուրքիայի նախագահի համար դա տեղի է ունենում փուլ առ փուլ, և նա լրացնում է Իրանի թողած իշխանության բացը: Էրդողանն առաջ է տանում այդ գիծը և փոխարինում է Իրանին՝ որպես Արևմուտքի դեմ պատվար… Էրդողանն ուղիղ հակամարտության մեջ է Արևմուտքի հետ, և հույս ունեմ, որ Էրդողանը կտապալի, ու թեև իր գաղափարախոսությունը մարդկանց ստիպում է լավ զգալ, սակայն հանգեցրել է ծանր տնտեսական ժամանակների»,-գրել է նա:
Նրա խոսքով` Թուրքիայի ազգային տնտեսական հաջողությունը կախված է ԱՄՆ-ի և Իսրայելի հետ կապերից, իսկ Իրանը և Ռուսաստանը չեն կարող և չեն էլ ցանկանում լավացնել իրավիճակը:
«Մինչև հիմա Էրդողանի ոչ թե տնտեսական շահերն է, այլ գաղափարախոսությունն է սահմանել որոշումներ կայացնելու գործընթացը»,-ընդգծել է հոդվածագիրը:
Հետևեք մեզ տելեգրամում
