Ռուս և թուրք զինվորականները Սիրիայում համատեղ երկրորդ ուսումնական վարժանքներն են անցկացրել՝ մշակելով հարվածային անօդաչու թռչող սարքերի (ԱԹՍ) գործողությունների համակարգումը:
«Վարժանքների ընթացքում մշակվել են հետախուզական և հարվածային ԱԹՍ-ների գործողությունների համակարգման, այդ թվում համատեղ պարեկության ընթացքում հայտնաբերված թիրախի կրակային խոցման վերաբերյալ հարցեր»,-ասել է Սիրիայում պատերազմող կողմերի հաշտության ռուսական կենտրոնի ղեկավարի տեղակալ, փոխծովակալ Ալեքսանդր Գրինկևիչը:
Նշենք, որ ռուսական ռազմական ոստիկանության և Թուրքիայի զինված ուժերի ստորաբաժանումների համատեղ առաջին վարժանքները տեղի են ունեցել օգոստոսի 31-ին: Այդ ժամանակ մշակվել են զինված դիվերսիոն խմբավորումների համատեղ կրակային ոչնչացման, ինչպես նաև խոցված տեխնիկայի տարհանման և տուժածներին բժշկական օգնություն ցուցաբերելու վերաբերյալ հարցեր:
Հետևեք մեզ տելեգրամում
