Իրանի Իսլամական Հանրապետության հոգևոր առաջնորդ Ալի Խամենեին հայտարարել է, որ Արաբական Միացյալ Էմիրությունները, Իսրայելի հետ հարաբերությունները կարգավորելով, դավաճանել է իսլամական աշխարհին և պաղեստինցիներին:
«Իհարկե, ԱՄԷ-ի դավաճանությունը երկար չի տևի, սակայն այս խարանը մշտապես կհիշվի: Նրանք թույլ տվեցին, որ սիոնիստական ռեժիմը մտնի տարածաշրջան, և մոռացան Պաղեստինը: Էմիրությունները հավերժ խայտառակ կլինեն իսլամական աշխարհին, արաբական ազգերին և Պաղեստինին դավաճանելու համար»,-իր ելույթում ասել է Խամենեին՝ հույս հայտնելով, որ ԱՄԷ-ն քնից կարթնանա և կփոխհատուցի իր արածների համար:
Հիշեցնենք, որ Իսրայելը և ԱՄԷ-ն օգոստոսի 13-ին հայտարարեցին հարաբերությունները կարգավորելու մասին, որին հաջորդեց դեսպանություններ բացելու մասին բանակցությունները:
Հետևեք մեզ տելեգրամում
