Լիբանանի արտգործնախարարի մոտ կորոնավիրուս է հայտնաբերվել

Լիբանանի արտգործնախարար Շերբել Վեհբեն վարակվել է կորոնավիրուսով։ Վերջինս ինքնամեկուսացվել է սեփական տանը և պատրաստվում է վիրուսի հաստատման նպատակով երկրորդ ՊՇՌ թեստը հանձնել։

Նշենք, որ Լիբանանում կորոնավիրուսի դեպքերի թվի կտրուկ աճ էր գրանցվել հատկապես օգոստոսի 4-ին Բեյրութի նավահանգստում որոտացած հուժկու պայթյունից հետո։

Լիբանանի առողջապահության նախարարության հրապարակած վերջին տվյալների համաձայն՝ շուրջ 6 մլն բնակչություն ունեցող երկրում կորոնավիրոսի հաստատված դեպքերի թիվը հասել է 21․324-ի, նրանցից 207-ը մահացել է, 6․722-ը՝ առողջացել։