Ռուսաստանի, ԱՄՆ ու Ֆրանսիայի նախագահների հայտարարությունը` Լեռնային Ղարաբաղի վերաբերյալ
ՌԴ նախագահ Վլադիմիր Պուտինը, ԱՄՆ նախագահ Դոնալդ Թրամփը, Ֆրանսիայի նախագահ Էմանուել Մակրոնը, որոնք ներկայացնում են ԵԱՀԿ Մինսկի խմբի համանախագահ երկրները հանդես են եկել հայտարարությամբ, որում վճռականորեն դատապարտում են Լեռնային Ղարաբաղի հակամարտության գոտու շփման գծում բռնության էսկալացիան։
«Սգում ենք զոհերի համար ու ցավակցություն հայտնում սպանվածների ու վիրավորների հարազատներին։ Հայաստանի ու Ադրբեջանի ղեկավարներին կոչ ենք անում անհապաղ պատասխանատվություն ստանձնել ու առանց նախապայմանների վերսկսել բանակցությունները ԵԱՀԿ Մինսկի խմբի համանախագահների գործակցությամբ»,-ասված է հայտարարության մեջ:
Հետևեք մեզ տելեգրամում
