Նոյեմբերի 4-ին Թբիլիսիի ընտրատարածքների հանձնաժողովների հարակից տարածքում ընդդիմության ներկայացուցիչները բողոքի ակցիա են անցկացրել, որի ընթացքում բախումներ են տեղի ունեցել ցուցարարների և իրավապահների միջև:
Վրաստանի ՆԳ նախարարության փոխանցմամբ՝ իրավապահները ձերբակալել են 12 անձի, որոնցից 5-ին ավելի ուշ ստորագրությամբ ազատ են արձակել, իսկ 7-ը գտնվում է վարչական կալանքի տակ՝ ժամանակավոր մեկուսարանում:
Նույն օրը ցույց էր տեղի ունեցել նաև Վրաստանի Կենտրոնական ընտրական հանձնաժողովի կենտրոնական գրասենյակի մոտ: Ցուցարարները պահանջել են պատասխանատվության ենթարկել ԿԸՀ-ի նախագահին:
Նշենք, որ հոկտեմբերի 31-ին տեղի ունեցած խորհրդարանական ընտրությունների արդյունքները չեն ճանաչում ընտրական շեմը հաղթահարած բոլոր 8 ընդդիմադիր կուսակցությունները:
Հետևեք մեզ տելեգրամում
