Վրաստանի իշխող «Վրացական երազանք» կուսակցության առաջնորդ Բիձինա Իվանիշվիլիի կեցավայրի մոտ, որտեղ ընթանում էր ընդդիմության ակցիան, կրակոցներ են հնչել:
Տեղում հայտնվել է ոստիկանությունը: Տեսախցիկներն արձանագրել են գետնին ընկած փամփուշտներ: Կրակողը մգեցված ապակիներով սպիտակ մեքենայով է եղել և ցուցարարների ուղղությամբ 5 կրակոց է արձակել:
Վրաստանի ՆԳՆ-ն դեռ չի մեկնաբանել կատարվածը:
Հիշեցնենք, որ հոկտեմբերի 31-ին Վրաստանում կայացած խորհրդարանական ընտրություններից հետո երկրում ցույցեր են սկսվել: Խորհրդարանական ընտրությունների արդյունքները չեն ճանաչում ընտրական շեմը հաղթահարած բոլոր 8 ընդդիմադիր կուսակցությունները:
Հետևեք մեզ տելեգրամում
