Թուրքիայի Առողջապահության նախարար Ֆահրեդին Քոջան հայտարարել է, որ Թուրքիան սկսում է կորոնավիրուսի դեմ ռուսական պատվաստանյութի թունաբանական փորձարկումը:
«Մեզ համար կարևոր է, որ Ռուսաստանում արտադրված պատվաստանյութն անցնի թունաբանական փորձարկում և համապատասխանի GLP-ին (Պատշաճ լաբորատոր պրակտիկա): Մենք սկսում ենք այդ փորձարկումները: Կարող եմ ասել, եթե այն հաջողություն ունենա, ապա ռուսական պատվաստանյութի մատակարարման հետ խնդիրներ չեն առաջանա»,-Անկարայում ասել է Քոջան:
Այս հայտարարությամբ Թուրքիայի ԱՆ-ը հերքում է Habertürk թերթի այն հրապարակումը, որը, հղում անելով նախարարին, հայտնել էր Անկարայի՝ ռուսական պատվաստանյութից հրաժարվելու մասին:
Հետևեք մեզ տելեգրամում
