Իսրայելի 23-րդ գումարման Քնեսեթը (Խորհրդարան) ավտոմատ լուծարվել է՝ ընթացիկ տարվա պետական բյուջեի հաստատման ժամկետը լրանալու պատճառով: Սա նշանակում է, որ Իսրայելում 2021թ. մարտի 23-ին տեղի կունենան խորհրդարանական արտահերթ ընտրություններ, որը կլինի 4-րդը՝ վերջին 2 տարում:
«Մենք կրկին գնում ենք ընտրությունների: Մեզ բարդ ժամանակաշրջան է սպասվում: 23-րդ գումարման Քնեսեթի դռները փակվում են»,-ասել է խորհրդարանի խոսնակ Յարիվ Լևինը:
Օրենքի համաձայն՝ վարչապետ Բենյամին Նեթանյահուն վարչապետ է մնում մինչև ընտրությունների արդյունքում ձևավորված նոր կառավարության երդմնակալությունը:
Հետևեք մեզ տելեգրամում
