Թուրքայի նախագահ Ռեջեփ Թայիփ Էրդողանը «քննադատել է Կանադային թուրքական «Բայրաքթար» հարվածային ԱԹՍ-ների համար օգտագործվող գերժամանակակից տեսախցիկների մատակարարումը կասեցնելու համար: Էրդողանը առանց Կանադայի անունը հնչեցնելու արած «քննադատության մեջ մասնավորապես ասել է.
«Մեր վատ հարևանները մեզ բանի տեր դարձրին: (Նկատի ունի այն հանգամանքը, որ Թուրքիայի դեմ սահմանված զենքի մատակարարման արգելքի արդյունքում իրենք ստեղծել են իրենց սեփական զենքը): Բայց դեռ երկար ճանապարհ ունենք անցնելու: Օրինակ տեսախցիկների հարցը: Իբրև բարեկամներ ենք (նկատի ունի Կանադային), միասին ՆԱՏՕ-ի մեջ ենք: Տեսախցիկ ենք ուզում, չի տալիս: Մեզ ասում է՝ «ինչու՞ ես Հայաստանի հետ պատերազմում»: Հայաստանը հարձակվում է իմ բարեկամների, ազգակիցների վրա: Մենք մեր ձեռքից եկած օգնությունը պետք է ցույց տանք: Միասին ՆԱՏՕ-ի անդամ ենք, ինչու՞ ես այդպիսի մոտեցում ցուցաբերում: Փառք Աստծո, արդեն դա էլ ենք կարողանում արտադրել»:
Հետևեք մեզ տելեգրամում
