ԱՄՆ Պետքարտուղարության մամուլի ծառայության ղեկավար Նեդ Փրայսը լրագրողների հետ զրույցում հայտարարել է, որ Վաշինգտոնը չափազանց մտահոգված է Վրաստանում տեղի ունեցող դեպքերի առնչությամբ, որտեղ նախօրեին ձերբակալվել էր ընդդիմության առաջնորդ և նախկին նախագահ Միխեիլ Սաակաշվիլիի հիմնադրած կուսակցության առաջնորդ Նիկա Մելիան:
«Մենք խորապես անհանգստացած ենք Վրաստանում քաղաքական իրադրությունների զարգացման կապակցությամբ, կողմերին կոչ ենք անում զսպվածություն ցուցաբերել և խուսափել այնպիսի գործողություններից և հռետորաբանությունից, որոնք կարող են հանգեցնել լարվածության աճի կամ բռնությունների: Մենք Վրաստանի իշխանություններին կոչ ենք անում գործել եվրաատլանտյան ձգտումներին համապատասխան և հավատարիմ մնալ ժողովրդավարության, ազատ ինքնության և օրենքի գերակայության սկզբունքներին՝ երաշխավորելով, որ դատական համակարգն ազատ է քաղաքականից: ԱՄՆ-ն աջակցում է ժողովրդավար, զարգացող Վրաստանին, մենք կշարունակենք աշխատել Վրաստանի հետ՝ oրենքի գերակայությունն ու հաշվետու ինստիտուտները խթանելու համար»,-ասել է Փրայսը:
Հետևեք մեզ տելեգրամում
