Ռուսաստանի զինված ուժերի գլխավոր շտաբի պետ, բանակի գեներալ Վալերի Գերասիմովը Հայաստանի գլխավոր շտաբի պետ Արտակ Դավթյանի հետ հանդիպմանը հայտարարել է, որ Հայաստանը Ռուսաստանի առանցքային դաշնակիցն է Անդրկովկասում:
«Ուրախ եմ Ձեզ ողջունելու Մոսկվայում: Հայաստանն Անդրկովկասում Ռուսաստանի առանցքային դաշնակիցն է և գործընկերը»,-ասել է Գերասիմովը:
Նրա խոսքով, երկկողմ հարաբերությունների բարձր մակարդակի ցուցիչը «Հայաստանի տարածքում ռուսական 102-րդ ռազմաբազայի գործունեությունն է»:
«Հայաստանի պաշտպանության նախարարության ներկայացուցիչներն ամեն տարի մասնակցում են Ռուսաստանի ՊՆ մասշտաբային միջոցառումներին, և պատվիրակությունները մշտապես ներկայացված են բարձր մակարդակով»,-ավելացրել է Գերասիմովը:
Հետևեք մեզ տելեգրամում
