Վրաստանի նախկին նախագահ Միխեիլ Սաակաշվիլին հայտարարել է, որ Վրաստան կվերադառնա տեղական ինքնակառավարման ընտրություններին մասնակցելու համար, որը կայանալու է հոկտեմբերին:
«Ցանկանում եմ հայտնել իմ որոշման մասին: Ես՝ Միխեիլ Սաակաշվիլիս, նախապես՝ մինչև հանրաքվեն, կգամ Վրաստան: Ես անպայման լինելու եմ այդ գործընթացի մասը»,-ասել է Սաակաշվիլին:
Վրաստանի նախկին նախագահը պարզաբանել է, որ ՏԻՄ ընտրություններն անվանում է հանրաքվե այն պատճառով, որ նախօրեին իշխանության և ընդդիմության ստորագրած փոխզիջումային համաձայնագրով եթե ՏԻՄ ընտրություններում իշխող կուսակցությունն անհրաժեշտ քանակի ձայն չհավաքի, ապա հաջորդ տարի կլինեն արտահերթ խորհրդարանական ընտրություններ:
Սաակաշվիլին նաև իր հիմնադրած կուսակցության՝ «Միասնական ազգային շարժման» անդամներին կոչ է արել իշխանության հետ համաձայնագիրը ստորագրել միայն դեպքում, եթե ազատ արձակվի կուսակցության նախագահ Նիկա Մելիան:
Հետևեք մեզ տելեգրամում
