Թուրքիայի իշխող «Արդարություն և զարգացում» կուսակցությունը խորհրդարան է բերել Թուրքիա-Եգիպտոս բարեկամության խումբ ստեղծելու առաջարկ: Կուսակցության պատգամավորական խմբի փոխնախագահ Բյուլենթ Թուրանի խոսքով, այդ առաջարկը կարևոր նախաձեռնություն է երկկողմ հարաբերությունների տեսանկյունից:
Հիշեցնենք, որ նախորդ շաբաթ Թուրքիայի կառավարությունը հայտարարել էր, որ մայիսի սկզբին նախատեսված է Եգիպտոսի բարձրաստիճան պաշտոնյաների հետ հանդիպում:
«Բանակցությունները, հանդիպումները և փոխադարձ այցերը թույլ կտան բոլոր կողմերին և երկրներին վերանայել երբեմն բարիդրացիական, երբեմն էլ վատ հարաբերությունները: Այս փուլում մենք հասել ենք շատ բանի, և գտնում ենք, որ մեր երկրի, Եգիպտոսի և մեր հարաբերությունների համար շատ կարևոր է վերականգնել բարեկամության խումբը»,-ասել է Թուրանը:
Թուրք-եգիպտական հարաբերությունները սառել էին 2013թ. այն բանից հետո, երբ Եգիպտոսի բանակը տապալեց Մուհամեդ Մուրսիին, և իշխանության եկավ Աբդել Ֆաթթահ ալ-Սիսին:
Հետևեք մեզ տելեգրամում
