Թուրքիան որ իրավաչափ է գտնում ԱՄՆ նախագահ Ջո Բայդենի հայտարարությունը, որով նա ճանաչում է Հայոց ցեղասպանությունը, հայտարարել է Թուրքիայի նախագահ Ռեջեփ Թայիփ Էրդողանը:
«ԱՄՆ նախագահ Բայդենը հայտարարություն էր արել: Դա ոչ իրավարաչափ, անարդար և պատմությանը հակասող բառեր էին: Դա մեզ տխրեցրեց: Այդ բառերը չունեն պատմական և իրավաբանական հիմք»,-ասել է Էրդողանը՝ հիշեցնելով Թուրքիայի՝ «պատմաբանների համատեղ հանձնաժողով» ստեղծելու առաջարկը:
Նրա խոսքով, Բայդենի խոսքերը չեն արտահայտում իրականությունը: Էրդողանը նույնիսկ «հայերին է մեղադրել թուրքերին սպանելու մեջ», և ըստ նրա՝ «ապրիլի 24-ին մարդկային ողբերգության առումով ոչ մի բան տեղի չի ունեցել»:
«Չնայած նրան, որ մենք գիտենք ճշմարտությունը տվյալ ամսաթվի իրադարձությունների վերաբերյալ, մենք նախկինի պես ապրիլի 24-ին ուղերձով դիմում ենք հայ համայնքին՝ հարգելով նրանց ընտրությունը և ցավը»,-ասել է Թուրքիայի նախագահը:
Էրդողանը, միևնույն ժամանակ, հույս է հայտնել, որ Բայդենի հետ հունիսին նախատեսված հանդիպմանը նոր էջ կբացի երկու երկրների հարաբերություններում: «Ապրիլի 24-ի հայտարարության ֆոնին մեր հարաբերությունները շատ հետ գլորվեցին: Հույս ունեմ, որ նախատեսված այցին կհաջողվի նոր էջ բացել մեր հարաբերություններում: Մենք Բայդենի հետ օտարներ չենք, մեր երկրները հարաբերություններ ունեն»,-ասել է Էրդողանը:
Հետևեք մեզ տելեգրամում
