Վրաստանի և Հյուսիսային Մակեդոնիայի նախագահներ Սալոմե Զուրաբիշվիլին ու Ստևո Պենդարովսկին ստորագրել են երկու երկրների միջև առանց վիզայի ռեժիմ հաստատելու մասին հուշագիր:
Զուրաբիշվիլիի խոսքով, սա Վրաստանի և Հյուսիսային Մակեդոնիայի քաղաքացիներին կազատի վիզա ստանալու անհրաժեշտությունից:
«Այս համաձայնությունը կնպաստի փոխադարձ կապերի հաստատմանը, մենք կամրապնդենք հարաբերությունները զբոսաշրջության, տնտեսության և կարևոր այլ ոլորտներում»,-ասել է պաշտոնական այցով Սկոպյեում գտնվող Զուրաբիշվիլին:
Նշենք, որ մինչ այդ Հյուսիսային Մակեդոնիա մեկնել ցանկացող Վրաստանի քաղաքացիները վիզա ստանում էին Ստամբուլից:
Հետևեք մեզ տելեգրամում
