Թուրքիայի նախագահի աշխատակազմի հանրային կապերի վարչությունը հայտնել է, որ Թուրքիայի նախագահ Ռեջեփ Թայիփ Էրդողանի և ՌԴ նախագահ Վլադիմիր Պուտինի միջև հեռախոսազրույց է տեղի ունեցել:
Հայտարարության մեջ նշվել է, որ նախագահները քննարկել են Պաղեստինում տեղի ունեցող զարգացումները և Թուրքիային «Սպուտնիկ Վ» պատվաստանյութի մատակարարումների վերաբերյալ հարցեր:
Հեռախոսազրույցի ընթացքում Էրդողանը նշել է, որ Երուսաղեմում, Գազայում, Ալ-Ակսա մզկիթում պաղեստինցիների դեմ Իսրայելի հարձակումներին միջազգային հանրությունը պետք է հուժկու և կանխարգելիչ դաս տա: Էրդողանը կարևորել է նաև ՌԴ ԱԳՆ հայտարարությունը, որտեղ ՌԴ-ն Պաղեստինի հարցում մատնանշել է ՄԱԿ-ի չափանիշների և «2 պետություն» սկզբունքով հակամարտության լուծումը:
Հետևեք մեզ տելեգրամում
