Իրանի խորհրդարանի ազգային անվտանգության և արտաքին քաղաքականության հանձնաժողովի նախագահ Մոջթաբա Զոննուրը Sputnik-ի իրանական ծառայությանը տված հարցազրույցում, անդրադառնալով Սյունիքի սահմաններին ստեղծված իրադրությանը հայտարարել է.
«Իրանի դիրքորոշումը շատ հստակ, պարզ և վերջնական է.մենք ոչ մի դեպքում տարածաշրջանի սահմաններում փոփոխություն չենք ընդունում, տարածաշրջանի երկրների տարածքային ամբողջականությունը պետք է պահպանվի։ Միաժամանակ մենք չենք ընդունում նաև մեր սահմանների մոտ որևէ արտատարածաշրջանային ուժի տեղակայումը։ Այդ իսկ պատճառով, եթե որոշվի, որ Հայաստանի տարածքից մի մասը վերցվի և մեր սահմաններին իրադրությունը փոխվի, այսինքն մենք նոր հարևան ունենք, մեզ համար ընդունելի չէ։
Նախկին սահմանները պետք է ամբողջովին պահպանված լինեն և Իրանի ու Հայաստանի ընդհանուր սահմանը պետք է պահպանվի։
Մենք և՛ աջակցում ենք իր տարածքային ամբողջականությունը պահպանելու հարցում Ադրբեջանի դիրքորոշմանը, և՛ աջակցում ենք իր տարածքային ամբողջականությունը, Իրանի հետ հարևանությունը պահպանելու հարցում Հայաստանի դիրքորոշմանը։ Մենք այդ երկու երկրների հարևանն ենք և ելնելով նախկինում եղած իրավիճակից,առանց տարածաշրջանում որևէ փոփոխություն ընդունելու, աջակցում ենք երկու երկրների տարածքային ամբողջականությանը»։
Հետևեք մեզ տելեգրամում
