Թուրքիայի նախագահ Ռեջեփ Թայիփ Էրդողանը՝ Անկարայում Վրաստանի վարչապետ Իրակլի Ղարիբաշվիլիի հետ բանակցություններից հետո կայացած մամուլի ասուլիսի ժամանակ ասել է, որ Թուրքիան Վրաստանին համարում է տարածաշրջանային համագործակցության բանալի և պատրաստ է աջակցել ցանկացած եռակողմ ձևաչափով համագործակցություն, այդ թվում Վրաստան-Ադրբեջան-Հայաստան:
«Մենք հավատում ենք, որ կարող ենք իրականացնել տարբեր աշխատանքներ, որոնք կամրապնդեն և կավելացնեն կարևորությունն ու խաղաղությունը մեր տարածաշրջանում: Նշվածի համատեքստում շատ կարևոր է եռակողմ համագործակցությունն Ադրբեջանի հետ: Մենք՝ Թուրքիան, աջակցում ենք ցանկացած եռակողմ համագործակցություն, լինի Վրաստան-Ադրբեջան-Հայաստան կամ Վրաստան-Ադրբեջան-Թուրքիա»,-ասել է Էրդողանը:
Թուրքիան նախագահը նաև հայտարարել է, որ որոշում է կայացվել կարճ ժամկետում Վրաստանի մասնակցությամբ անցկացնել բարձրագույն ռազմավարական խորհուրդ:
Վրաստանի վարչապետ Ղարիբաշվիլինի իր հերթին հույս է հայտնել, որ երկու պետությունները կկարողանան ավելի շատ համատեղ նախագծեր իրականացնել և խորացնել համագործակցությունը: Ղարիբաշվիլինի Էրդողանին հրավիրել է Թբիլիսի:
Հետևեք մեզ տելեգրամում
