Արաբական Միացյալ Էմիրությունները իր դեսպանությունն է բացել Իսրայելի Թել Ավիվ քաղաքում՝ ազդարարելով երկու երկրների միջև հարաբերությունների նոր փուլը:
«Այս դեսպանատունը պարզապես դիվանագետների հանգույց չէ, այլ հիմք` մեր նոր գործընկերությունը շարունակելու համար: Դա նշանակում է խաղաղության նոր պարադիգմա և հակամարտությունների կարգավորման նոր համագործակցային մոտեցման մոդել»,-ասել է ԱՄԷ դեսպան Մոհամեդ Ալ-Խաջան:
Հիշեցնենք, որ Իսրայելը և ԱՄԷ-ը հարաբերությունները կարգավորելու վերաբերյալ համաձայնագիր կնքեցին 2020թ. սեպտեմբերի 15-ին Սպիտակ տանը: 2021թ. հունիսի վերջին Իսրայելի ԱԳ նախարար Յաիր Լապիդն աշխատանքային այցը կատարեց ԱՄԷ: Աբու Դաբիում հանդիսավոր բացվեց Իսրայելի դեսպանությունը, իսկ Դուբայում՝ հյուպատոսությունը:
Հետևեք մեզ տելեգրամում
