ԱՄՆ նախագահ Դոնալդ Թրամփը հանդես է եկել հայտարարությամբ, ըստ որի՝ Իսլամական հեղափոխության պահապանների կորպուսի (Իրանի ԶՈւ էլիտար ուժեր) հատուկ նշանակության ուժերի հրամանատար, գեներալ Ղասեմ Սոլեյմանիի սպանությունը տեղի է ունեցել նաև այն պատճառով, որ Սուլեյմանին ծրագրում էր պայթեցնել Իրաքի մայրաքաղաք Բաղդադում գտնվող ԱՄՆ դեսպանատան շենքը։
Թրամփը հայտարարել էր նաև, որ Իրանի նկատմամբ տնտեսական պատժամիջոցների նոր, ավելի կոշտ փուլ է սկսվում այն բանից հետո, երբ Իրանը հարվածներ հասցրեց Իրաքում տեղակայված ամերիկյան ռազմաբազաներին։
Սակայն ԱՄՆ Կոնգրեսի դեմոկրատ կոնգրեսականները թերահավատորեն են վերաբերվում Թրամփի հայտարարություններին և վիճարկում են այն հանգամանքը, թե արդյոք հարձակման իրական սպառնալիք եղել է ԱՄՆ-ի դեմ։ Իրաքում ԱՄՆ դեսպանատան դեմ ծրագրված հարձակման պատճառաբանությունը նրանց այնքան էլ համոզիչ չի թվացել։
Հետևեք մեզ տելեգրամում
