Մոսկվան եզրակացություններ կանի Ղրիմում ընտրությունները չճանաչելու մասին Թուրքիայի ԱԳՆ հայտարարություններից հետո: Այս մասին հայտարարել է Ռուսաստանի դիվանագիտական գերատեսչության պաշտոնական ներկայացուցիչ Մարիա Զախարովան, փոխանցում է «ՌԻԱ Նովոստի»-ն:
Ավելի վաղ Անկարան հայտարարել էր, որ Ղրիմում Պետդումայի վերջին ընտրություններն իրավական ուժ չունեն Թուրքիայի համար, քանի որ երկիրը չի ճանաչում տարածաշրջանի միացումը Ռուսաստանին:
«Մենք երբեք չենք անտեսում նման հայտարարությունները: Եթե նրանք չեն հոգնել Մոսկվայից համապատասխան նկատողություններ, հիշեցումներ լսելուց, ապա համբերատար են:
Բայց դա ոչ մի բանի չի տանում, բացի այն հանգամանքից, որ մենք անում ենք համապատասխան եզրակացություններ, որոնք ակնհայտորեն ձեռնտու չեն երկկողմ հարաբերությունների զարգացմանը»,- ասել է Զախարովան Սոլովյովի ուղիղ եթերում:
Հետևեք մեզ տելեգրամում
